LEGAZPI CITY-Nagbot na sa 44 katawo an nagadan sa nangyaring kasulo na nagraot sa sarong apartment complex sa Hong Kong.
Sinabi kan Chief Executive kan Hong Kong na si John Lee na dae pa lubos na naaapula an kasulo.
Padagos pang pighahanap kan mga rescuers an nasa 279 katawo na posibleng na-trap sa mga edipisyo.
Nasa 29 katawo man an dinara sa ospital, asin an pitong iba pa an nasa kritikal na kamugtakan.
Pig-ebakwar kan mga awtoridad an mga residente kan Wang Fuk Court sa Tai Po kun saen nangyayari an kasulo.
An nasabing edipisyo an igwang walong torre, 31 eskalon, asin 2,000 na mga yunit.
Nanyari an kasulo sa Hong Kong sa oras na alas 3 nin hapon kasudma kun sain makaskas ining naglakop sa mismong edipisyo.
Mientrastanto, wara man suboot nin nairehistrong nadamay na mga Pilipino sa nasabing kasulo sa Hong Kong.
