LEGAZPI CITY- Matrayumpo an ipigkondusir na retrieval operations kan mga otoridad sa motor banca na luminubog sa kadagatan na sakop kan Tabaco City, Albay.
Segun ki Ensign Earl Cacho, Sub Station Commander ng Coast Guard Substation Tabaco sa intrevista kan Bombo Radyo Legazpi na nakaresibe sinda nin impormasyon dapit sa insidente kan pasiring na sa lugar, napag-araman na naisalbar na an persona na lunad kan nasabing motorbanca.
Huli digdi, nagkondusir na sana nin retrieval operations an saindag lado sa tuminaob na bangka.
Aminado an opisyal na nadifisilan man sinda sa paguyod kan nasabing motorbanca alagad nagin matrayumpo man liwat an saindang aksyon.
Huli digdi, liwat na nagpagirumdom si Cacho na dae na magpirit na maglawod kun igwang maraot na panahon ngani na maibitaran an kaparehong mga insidente.
