LEGAZPI CITY—Matrayumpong naisalbar kan mga otoridad an sarong babaeng nagporbar na maglukso sa Makabalo Bridge sa Barangay Dap-Dap, Legazpi City.
Segun ki Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi, ligtas ninda ining naiuli sa saiyang residencia sa Barangay Gogon sa nasabing ciudad.
Napansin suboot kan mga motorista asin residentes an piggibo kan babae mantang nakatindog suboot ini sa gilid kan nasabing tulay rason kun nata ini-report ini sa mga kapulisan.
Matrayumpo man ining narespondehan kan mga otoridad sa paagi nin mga maingat na lakdang.
Mensahe man kan opisyal sa publiko na pwedesir na magkonsulta o makipag-olay sa pamilya o makipag-olay sa pamilya o iba pang indibidwal mapadapit sa saindang problema nganing makagaan ini sa saindang pagmati asin dae na magresulta pa sa mga siring na insidente.
