LEGAZPI CITY – Nakatalaan nang buksan sa publiko an bagong edipisyo kan Josefina Belmonte Duran Albay Provincial Hospital sa ciudad kan Ligao.
Alagad segun ki Albay Governor Noel Rosal sa intrevista kan Bombo Radyo Legazpi na soft opening pa sana an mangyayari kun kaya maabot sana muna sa 250 an bed capacity.
Dae man suboot madugang nin mga kadakol na personnel huli ta ililipat man sana an mga ini hale sa lumang edipisyo kan Hospital
Naibugtak na man suboot sa bagong pasilidad an mga digital na kagamitan asin ekipahe na makakatabang nganing mapadali an proseso sa mga namamanwaan.
Pig-aadalan pa kan opisyal sa presente kun ano an gigibuhon sa daga na pigtututgdukan kan lumang edipisyo kan nasambitang ospital urog nang pagsasadiri ini kan gobierno.
Nagtetenir na angat ngonian para sa sainda an mapadapit sa pagbubutak sa bagong ospital nin supply kan tubig asin kuryente.
Pagdoon pa ni Rosal na nakatutok an saindang opisina sa salud, agrikultura, asin mga pangangaipuhan kan mga Barangay nganing matawan nin sulusyon an agrangay kan saiyang mga nasasakupan.
