LEGAZPI CITY-Piglalaoman kan Legazpi City Water District General (LCWD) na matugunan kan national government ngani masolusyunan an problema sa tubig sa Legazpi City.
Segun kay Legazpi City Water District General Manager Rico Salazar sa intrevista kan Bombo Radyo Legazpi, na kadakol na nakaplano para sa pagsasaayos alagad may kakulangan sa refuersos asin pinansyal ngani mabalyuhan an mga problema sa patubig.
Pighihingoa man ninda na makaabot an saindang pighahagad na grant asin loan para digdi kun sain posibleng magabot sa P50-Milyon an para sa expenses ngani magkaigwa nin totoong solusyon.
Pigtatawan atensyon suboot kaini an mga barangay pasiring sa Binanuuan, Buraguis, Puro asin Dap-dap.
Hihingoahon man na mapalitan an mga pipe digdi siring man sa mga lugar na igwang dakulang populasyon.
Naghahagad man nin dispensa an ahensya sa mga konsyumer orog na aram suboot ninda an kadifisilan tuyong warang suplay nin tubig.
