LEGAZPI CITY-Pig-isyuhan na kan Daraga Municipal Police Station an sarong indibidwal na nakalista sa pinapaaresto kan Sandiganbayan na may residensya sa Daraga Albay.
Segun ki Daraga MPS Chief of Police Police Lieutenant Colonel Edgar Azotea sa intrevista kan Bombo Radyo Legazpi, na pang 3 aldaw na sindang nag-isyu warrant of arrest alagad basado sa mga kaparyentes kaini an dai na ini naguuli.
Dagdag pa ni Azotea na dai pighahale an posibilidad na yaon pa sa rehiyon Bikol an indibidwal.
Enkaso suboot na dai mai-serve an mahamiento de aresto an ibabalik ini sa ofisina ngani mainform na dai pa ini naseserbihan.
Dugang pa kan opisyal na obligado sinda na dumanon an lugar asin naghahanap na sinda nin mga paagi ngani matutunton ining persona.
Abiso man ni Azotea sa mga taga-Daraga na dai mahandal o mag-panic huli sa espesipikong pangaran an saindang pighahanap asin akusado pa sana ini, bako convicted kun sain dadarahon pa sana ninda sa himpilan para sa iba pang proseso.
