LEGAZPI CITY-Nagpahiling nin panibagong aktibidad an Taal Volcano ngonian na aldaw nin domingo susog sa Philippine Institute of Volcanology and Seismology (PHIVOLCS).
Basado sa datos na ipinaluwas kan PHIVOLCS nagkaigwa nin minor phreatomagmatic eruption an Bulkang Taal.
Nakuwaab man an nasabing aktibidad kan Daang Kastila (VTDK) thermal camera kan PHIVOCLS kun sain nagbuga ini nin abo na uminabot hasta 750 meters na langkaw sa bunganga kan bulkan.
An nanotarang phreatomagmatic eruptions an resulta suboot kan pagsabatan kan magma asin ntubig sa bunganga ng bulkan.
Presente man na nakataas an alert level 1 sa Taal Volcano.
Mientrastanto, sa panibagong datos na ipinaluwas kan PHIVOLCS ngonian na aldaw an nairehistro an maabot sa 27 volcanic earthquakes na ipinahiling na aktibidad ng Bulkang Taal poon kan Sabado.
