Nagsunad na nin mandamiento de aresto an Albay Police kontra ki dating Department of Public Works and Highways (DPWH) Bureau of Maintenance Director Gene Ryan Alaurin Altea makalihis na maibali an pangaran kaini sa wanted list kan mga awtoridad na nahahampang sa mga kaso may kinaaraman sa korapsyon katakod kan maanomalyang flood control projects sa nasyon.
Segun sa Daraga Municipal Police Station, ipigserbe an warrant sa saro sa mga harong ni Altea sa Barangay Tagas sa Daraga kun saen wara sindang nakuang personal na impormasyon asin pigtutubudan na yaon ngonian sa Manila an agom asin ina ni Altea.
An warrant of arrest laban ki Altea ipinaluwas kan Sixth Division kan Sandiganbayan kan Nobyembre 21 kun sain nakasaad an mga pagbalgar sa Article 217 asin Article 172 Section 4 kan Revised Penal Code o mga reklamong malversation of public funds through falsification of public documents.
Mientrastanto, apwera pa digdi, nahahampang man si Altea sa suway na kaso huli sa pagbalgar sa Anti-Graft and Corrupt Practices Act asin saro man sa mga kabali sa listahan kan mga pig-isyuhan nin Hold Departure Order (HDO) kan Bureau of Immigration (BI).
