LEGAZPI CITY—Nakatalaang magsagibo nin hiro protesta an grupo nin mga obrero kontra korapsyon asin pangapodan sa pagpapabutas sa pwesto ki Presidente Ferdinand Marcos Jr., asin Vice President Sara Duterte sa Domingo, Nobyembre 30, 2025 sa Luneta, Manila.
Segun ki Kilusang Mayo Uno Secretary General Jerome Adonis, sa intrevista kan Bombo Radyo Legazpi, afuera sa organisadong pwersa an welcome man suboot sa nasabing protesta an mga unorganized na mga grupo huli sa nagtutubod sinda na gabos an biktima nin korapsyon asin naghahagad nin accountability.
Dapat suboot na may malinaw nang pangapodan huli si Presidente Ferdinand Marcos Jr. an mismong numero unong korap, parahabon, dapat man suboot na magbutas sa pwesto si Vice President Sara Duterte siring man nin huli sa bulok na sistema.
Dugang niya na an gabos na imbueltong indibidwal sa korapsyon an dapat nang manimbag sa ley kan nacion.
Mientrastanto, pig-engganyar man ini sa publiko na makisumaro sa gigibohong mahewasang hiro protesta sa Nobyembre 30 bilang pangapodan para sa pagpapabutas sa pwesto ki Marcos asin VP Duterte asin pagpapanimbag sa mga indibidwal na nadadawit sa korapsyon.
