LEGAZPI CITY—Liwat na makasar nin hiro protesta kontra korapsyon an grupong Albay Movement Against Corruption sa Nobyembre 30 sa Legazpi City.
Segun ki Albay Movement Against Corruption Member – Convenor Manelo Barry Palma Alabata, sa intrevista kan Bombo Radyo Legazpi, katakod man giraray ini kan padagos na pangapodan kan manlaen-laeng sektor siring kan parasisira, paraooma, mga estudyante, kajovenesan, kababaihan asin iba pa para sa pagpapanimbag sa mga politiko, kontraktor, asin iba pang indibidwal na imbuelto sa mahewasang korapsyon sa gobierno.
Papangenotan an aktibidad sa sarong banal na misa na gigibohon sa Redemptorist Church sa Barangay Gogon kan nasabing ciudad.
Susundan ini nin pagmartsa asin programa sa Legazpi Rotonda kan kaparehong ciudad nganing ipahayag an namamatean kan manlaen-laeng sektor partikularmente sa isyu kan korapsyon.
Mientrastanto, nangangapudan man si Alabata sa mga may pagmakolog sa banwaan na makisumaro sa nasabing aktibidad.
Tinawan doon man kaini na dapat ipadagos an mga siring na lakdang antes sa magkaigwa nin pagbabago sa gobierno huli sa para man ini sa kapakanan kan lambang saro asin para man sa futuro kan mga kajovenesan.
