Kumpyansa an manhamiento kan Department of Agriculture na magtetenir na hababa an presyo kan sibulyas sa mga merkado sa nacion ngonian na holiday season.
Segun sa ahensya, nagkakawat sa presente sa ₱300 kada kilo na presyo kan pulang sibuyas sa pirang merkado sa Metro Manila.
Sa sarong pahayag , sinabi ni DA Spokesperson Assistant Secretary Arnel de Mesa, igwang dakulang volume nin imported na sibulyas an nakatalaang mag-abot sa nacion antes an holiday.
Sa kabilugang volume na 56,000 metric tons kan sibulyas na tinawan nin permiso nganing i-import, sa presente an 11,000 metric tons pa sana an aktuwal na nakakaabot sa satuyang nacion.
Huli digdi, padagos na pig-aabangan an paglaog kan natatadang parte kan imported na sibulyas.
Sa oras na makalaog na an piglalaomang kabilugang supply, may posibilidad na an presyo kan sibulyas sa mga merkado an bumaba asin magin mas abot-kaya para sa mga konsyumer, na piglalaomang mabalik sa pagultangan kan ₱120 sagkod ₱150 kada kilo.
