Ipighayag ni Acting Philippine National Police (PNP) PLtGen. Jose Melencio Nartatez Jr. na padagos sindang nakikipagkoordinar sa Sandiganbayan asin sa iba pang ahesya para sa implementasyon kan warrant of arrest laban ki dating Ako Bicol Partylist Representative Zaldy Co asin 17 iba pa.
Segun ki Nartatez, sisiertohon kan Pambansang Pulisya na masusunod an pagsunad nin warrant alinsunod sa tamang proseso asin due process sa irarom kan nga nag-iiral na ley kun saen sisiertohon man an mga direchos kan kada imbueltong indibidwal an magtetenir na narerespeto.
Nangangapodan man an Pambansang Pulisya sa publiko na padagos sanang magtiwala sa mga aksyon kan gobierno asin magin kan mga mismong institusyon na padagos na piggagampanan an saindang mga mandato nin may integridad, pagrespeto sa rule of law, asin pagkakaigwa nin commitment nganing makua an hustisya na pigmamawot kan namamanwaan.
Mientrastanto, ipighayag man ni Nartatez na ang development na ini an nagpapahiling sana kan padagos na mga lakdang kan gobierno nganing mapanimbag asin masawata an mga personalidad na nasa likod kan mga katiwalian mapadapit sa mga maanomalyang flood control projects.
