LEGAZPI CITY-Nagsagibo nin Run After Contribution Evaders (RACE) campaign an Social Security System Legazpi sa Oas Albay kun sain 8 empleyado an dai nakapag-remit kan saindang kontribusyon.
Segun kay Social Security System Legazpi Spokesperson Jeanette Mapa, sa intrevista kan Bombo Radyo Legazpi, na tatawanan man suboot ninda nin show cause order an mga dai naka-comply sa 15 aldaw alagad kun dai ini masusunod an irer-refer sinda sa ligal na departamento para sa iba pang proseso.
An Run After Contribution Evaders (RACE) an pigsasagibo bilang ligal na obligasyon sa nacion asin pigpapaotob ini sa kada bulan.
Dagdag pa kan opisyal na obheto kaini na maasigurar na gabos na mga nagtatrabaho sa pribadong sektor an maka-report sa SSS asin maka-remit kan saindang kontribusyon basado sa saindang kita asin maasigurar an saindang mgapensyon.
