LEGAZPI CITY- Aminado an sarong Political Science Professor na bako na bago an mga nangyayaring pag-atake sa mga opisyal kan gobierno.
Ini an kasunod kan akusasyon ni Senator Imee Marcos na nagagamit suboot nin iligal na droga an saiyang tugang na si Presidente Ferdinand Marcos Jr.
Segun ki UST Manila Department of Political Science Professor Micah Francisco sa intrevista kan Bombo Radyo Legazpi na igwang mga grupo na mahiling magkrear nin ‘smoke screen’ o ngani na matakluban an tunay na isyu na mga nangyayari sa nacion.
An pahayag kan presidential sister na itinaon pa suboot sa sarong dakulang pagtiripon an garing nakatuon na sa sarong layunin.
Aminado si Francisco na nahiling niya an pagigin desperada kan lado kan senadora ngani na idamay an first family na nagagamit nin iligal na droga alagad dakula suboot an posibilidad na magigin matrayumpo an nasabing taktika.
Dugang pa kaini na an ginibo ni Senator Imee an posibleng magbalik saiya asin mas maka apektar sa estado kaini sa politika.
Dakulang agyat suboot sa ngunyan para sa mga namamanwaan iyo an dae magbutas sa tunay na isyu asin dae pagpabayaan na matakluban an problema sa korapsyon ngani na dagos na mapanimbag an mga tawong nasa likod kaini.
Aminado ini na dae maipagkakaila na mayorya sa mga politiko an may papel na ginampanan sa langkaban na korapsyon huli ta garing nagin parte na ini kan sistema.
