LEGAZPI CITY—Nagin matoninong asin warang nairehistrong ano man na insidente an ikinundusir na protesta kontra korapsyon kan Iglesia ni Cristo sa Quirino Grandstand.
Segun ki Erickson De Asis sarong miyembro kan Iglesia ni Cristo, sa intrevista kan Bombo Radyo Legazpi, nasusunod man ninda an mga protocol kan lokal asin nasyunal na gobierno para sa nasabing aktibidad.
Obheto suboot kaini na maipahiling an pagkasararo kan Iglesia ni Cristo, pakikisumaro sa saindang namamahala, asin nahiling ninda an sitwasyon kan gobierno asin nacion sa kun pano naapektaran kan katiwalian an kabuhayan kan lambang saro.
Piglalaoman man suboot kan INC asin iba pang relihiyon na nakisumaro na madangog kan gobierno an saindang pangapodan na magin malinig an pamamalakad sa nacion.
Siring man na magkaigwa nin transparency sa imbestigasyon sa flood control asin accountability para sa pagpapanimbag sa mga naggibo nin katiwalian sa gobierno nganing magkaigwa nin hustisya sa mga biktima kaini.
Mientrastanto, pinahimutikan man ni De Asis na nagreresibe suboot nin P3,000 an mga nag-atendir sa protesta asin tinawan-doon na desisyon ini kan saindang puso asin pananampalataya na kaipuhan nindang magtabang sa Pilipinas sa paagi kan pagpapahayag kan saindang mga hinaing kan namamanwaang Pilipino.
Mensahe man kaini sa namamanwaan na an saindang rally an bako sana para sa saindang sadiri kundi para sa bilog na nacion nganing makua an hustisya asin paninimbagan na imbuelto sa korapsyon.
