LEGAZPI CITY-Bubukasan sa giraray para sa mga Legazpeños an panibagong Giant Christmas Tree sa ciudad.
Segun kay Legazpi City Mayor Hisham Ismail sa intrevista kan Bombo Radyo Legazpi, pigsisierto kan city government na maglaag giraray nin mga pailaw sa may Ibalong park bilang post christmas decorations orog na para sa mga kaakian.
Ini liwat sa 5% pa an dai pa naiilawan na mga interior barangays kun sain nahaluyan suboot an pagsasaayos huli sa mga nakatumbang mga poste.
Nagpapasalamat man an alkalde sa kooperasyon kan gabos asin sa warang nadiskwido asin major calamity sa ciudad.
Mientrastanto, piglinaw man ni Mayor Hisham Ismail na dai pa saiya nakaabot saiya an nagkapirang reklamo mapadapit sa tambakan nin niyog asin basura na nagkakawsa nin malain na parong, alagad sinabi niya na mas marhay na magpadara nin surat para sa reklamo asin pigsisierto man nindang maglaag nin mga basurahan sa nagkapirang lugar sa ciudad.
