LEGAZPI CITY – Ipigheras kan sarong blood donor na hale pa sa provincia kan Sorsogon an saiyang eksperyensya sa pakikisumaro sa kakatapos pa sanang Dugong Bombo 2025: A little pain, a life to gain kan Bombo Radyo Philippines Foundation, Inc.
Segun ki Peter Paul Ubal sa intrevista kan Bombo Radyo Legazpi na magayon sa pangmate na magdonar nin dugo huli ta makakatabang siya sa ibang tawo asin natabangan na ma-replenish an saiyang dugo na nakakamarhay sa saiyang salud.
Sa kabilugan suboot an ini na an ika-sampulong beses na nagdonar siya nin dugo asin ikaduwa niya man na beses na nagdonar sa kaparehong aktibidad kan Bombo Radyo Philippines.
Nagserbi man na inspirasyon para saiya an permihang pagdonar nin dugo kan saiyang ama kun kaya pigpromesa niya man sa saiyang sadiri na magpartisipar sa mga blood letting activity.
Paghistorya pa ni Ubal na dati siyang takot sa karayom alagad dae ini nagin kaulangan nganing makapagtaong tabang sa nangangaipuhan.
