LEGAZPI CITY-Ibinalik na kan Department of Justice an enot na preliminary investigation sa limang kaso nin anomalya sa flood control projects sa Bulacan.
Ini makalihis na ma-delay o ma -postpone an schedule huli sa nagpoon na an mga hearing bago an pagtaman kan Bagyong Uwan.
Magigirumduman na enot na isinangat kan DOJ an mga ini sa Office of the Ombudsman alagad kan huri ibinalik man sana sa sainda.
Pig-eksplikar kan Ombudsman na obheto kaini na maibitaran an pag-otro kan pagproseso kan mga siring na kaso na may kinaaraman sa isyu nin kurapsyon.
Kun kaya itinalaga kan tanod-bayan an kagawaran para pangenotan an pagsasagibo nin imbestigasyon.
Sa nakalihis na pagdangog, sinabi ni Atty. Polo Martinez, tagapagtaram kan DOJ, na warang nangyaring pagsusumiter kan counter-affidavit.
Sinabi pa kan abogado an kinuwa sana suboot kan mga abogado kan respondents an kopya kan mga reklamong kinakahampang kan saindang mga kliyente.
Kariba man sa ‘respondents’ an mga dating opisyal asin engineers kan Department of Public Works and Highways na sinda Henry Alcantara, Brice Hernandez, asin Jaypee Mendoza.
