LEGAZPI CITY-Nagsagibo nin wheel clamping an Legazpi City Public Safety Office sa ciudad kun sain na-wheel clamp an nasa 22 na mga behikulo kasunod kan pigsasagibong monitoring asin clamping operations.
Segun ki Legazpi City Public Safety Office Head Octavio Rivero, sa intrevista kan Bombo Radyo Legazpi, na padagos an saindang operasyon sa ciudad orog na sa mga nakaparada sa mga pinagbabawal na lugar.
Nasa 22 na suboot an saindang nanotaran na mga motorista asin may 4 wheels partikular na sa Barangay Lapu-lapu, Peñaranda Street, asin iba pang lugar sa ciudad.
Nagpatanid man an opisyal na ibitaran an pagparada sa mga ipinagbabawal na lugar.
Nagtatao man suboot sinda nin P1000 na multa sa mga nakaparada sa ipinagbabawal na lugar asin sa mga dai nagsusunod sa traffice signs.
Alagad, nagtatao man sinda nin 5 minuto bilang konsiderasyon antes an saindang operasyon sa mga behikulo.
Liwat na nangangapudan an opisyal sa mga may sadiri nin behikulo na ibitaran an pagparada sa mga ipinagbabawal na lugar
