LEGAZPI CITY—Nangangaipuhan ngonian nin malinig na inumon na tubig an banwaan kan Baras, Catanduanes makalihis na manutaran an nagkapirang kaso nin diarrhea asin trangkaso sa lugar.
Segun ki Baras Municipal Disaster Risk Reduction and Management Office Head Engr. Khalil Tapia, sa intrevista kan Bombo Radyo Legazpi, na pangenot nindang pangangaipuhan an malinig na inumon na tubig huli sa pagkahadit na baka maghalangkaw pa an numero kan nasabing kaso.
Basado sa saindang huring datos nakapagrehistro an saindang opisina nin 46 kaso, afuera dgdi may mga reports man suboot na nagkukulog an tulak kan pirang indibidwal huli sa warang makuang malinig na tubig.
Siring man na kinakaipuhan man kan saindang mga residentes nin food packs asin shelter kit para sa mga pamilyang totally damaged an istaran.
Sa presente naggigibo na man an saindang lokal na gobierno nin intervention siring kan pag-testing kan mga tubig sa lugar asin an padagos na information dissemination mapadapit sa kalinigan kan kapalibutan.
