LEGAZPI CITY- Puga-puga na an pagtatrabaho kan mga linemen kan Albay Electric Cooperative para sa nagpapadagos na power restoration sa provincia.
Ini makalihis an nagin epekto kan pangrarapado kan bagyong Uwan.
Segun ki Albay Electric Cooperative spokesperson Anj Galero sa intrevista kan Bombo Radyo Legazpi na igwang mga lugar na nahaluyan an pagbabalik kan suplay nin kuryente huli sa mga natumba asin na-damage na mga poste.
Partikular na dakol an mga danyos sa firts asin third district kan Albay.
Sa pinakahuring datos ngunyan na aga, nasa 15.97% na kan mga barangay an na-energize an backbone line.
Sa banwaan kan Sto. Domingo, napag-aralan na 20 sa 23 na mga barangay na an na-restore.
Katakod kaini, nangapudan nin pagsabot si Galero sa mga miyembro-konsumidores huli ta pigigibo man suboot an gabos ngani na maibalik an suplay kan kuryente sa urog na madaling panahon.
