Pignigaran kan U.S. Supreme Court kan Lunes (aldaw sa Amerika) na hampangon an apela ni Kim Davis, dating clerk sa Kentucky, na nag-kwestiyon sa landmark 2015 ruling kan korte na nag-legalize nin same-sex marriage sa nasabing nacion.
Napag-araman na si Davis an nagsayumang mag-isyu kan nakaagi nin marriage license para sa same-sex couples sa Rowan County, Kentucky, huli sa saiyang religion beliefs.
Huli digdi an naghampang sa paglilitis si David asin pinagbayad nin $360,000 mapadapit sa mag-agom na dae niya tinawan nin marriage license.
Sa saiyang petisyon, pighagad ni Davis na bibistuhon an saiyang First Amendment religious protection nganing dae siya makulong.
An saiyang mga abogado an nagsandig man sa mga pahayag ni Justice Clarence Thomas, an solong miyembro ng korte na mawot baliktadon an desisyon sa same-sex marriage, alagad nagsayuma an Korte Suprema na simbagan an petisyon ni Davis.
Segun sa Lambda Legal, pira sa mga estado ngonian na taon an nag-propwesto nin ley o resolusyon na nag-kukwestiyon sa Obergefell decision, kabale an Texas, na nagtao nin permiso sa mga hukom na nagsayumang magsagibo nin same-sex weddings huli sa pagtubod sa relihiyon.
Sa ibong kan may pirang posibleng agyat sa estado, an federal protection kan same-sex marriage an nagtetenir na legal sa bisa kan Respect for Marriage Act na pinirmahan ni dating U.S. President Joe Biden kan 2022.
An desisyon kan Korte Suprema na dae tanggapon an petisyon ni Davis an nangangahulugang nagtetenir na legal an same-sex marriage sa U.S.
Sa presente, igwang labi 820,000 married same-sex couples sa Estados Unidos, labi sa dobleng numero kan Hunyo 2015 kan ipaotob an nationwide marriage equality.
