LEGAZPI CITY-Magdadara nin makukusog na pag-uuran an Typhoon Uwan sa Bicol Region mantang paparani ini sa kadagaan.
Segun kay Weather Specialist Christian Allen Torrevillas sa intrevista kan Bombo Radyo Legazpi na marikas an paghiro kan Typhoon Uwan kun sain dai pighahale an posibilidad na mag-landfall ini sa Catanduanes.
Laoman man na magdadara nin makukusog na paros asin pag-uuran ngonian na pagkabanggi hasta sa saagang hapon partikular na sa Catanduanes, Camarines Sur, Camarines Norte, Albay, Sorsogon asin Northern Samar siring man sa Masbate.
Dagdag pa ni Torevillas na posible ang widespread asin sever flooding orog na sa mga masunod pang mga oras mantang paparani an bagyo.
Dai man suboot pighahale an posibleng daluyong o storm surge sa, Catanduanes, Camarines Sur, Camarines Norte, Albay, asin Sorsogon.
Pig-aabisuhan man an gabos na maghanda sa papaabot na raot nin panahon huli sa posibleng dakulang epekto kaini.
Mientrastanto, nakikipagkoordinar naman an ahensya sa mga evacuation centers asin mahigot na pigpapagirumduman an gabos na magsunod sa mga epektibong protocol.
Abiso sa publiko na padagos na magbantay sa mga impormasyon mapadapit sa nasabing raot nin panahon.
