Lalo pang nagkusog asin nagin severe tropical storm an pigbabantayan na bagyong “Fung-wong” mantang apektado kan Northeast Monsoon an Extreme Northeastern Luzon.
Segun sa Philippine Atmospheric, Geophysical and Astronomical Services Administration (PAGASA), an pigbabantayan na bagyo yaon pa sa luwas kan Philippine Area of Responsibility.
Nahiling an lokasyon kaini sa rayong 1,525 kilometer sa sirangan kan northeastern Mindanao
May kusog an paros kaini na maabot sa 95 kilometers per hour asin pagbugso nin sagkod 115 kph.
Naghihiro ini nin northwestward sa rikas na 10 kph.
Makakamate nin mapanganuron na kalangitan asin pag-uran an Batanes asin Cagayan dara kan Northeast Monsoon.
Mantang an Metro Manila kabali na an iba pang parte kan nasyon makakamati nin mapanganuron na kalangitan na may mga pag-uran.
Enkaso nakalaog na sa PAR an bagyo an aapudon na ining bagyong Uwan.
![Pinterest](https://pinterest.com/pin/create/button/?url=https://legazpi.bomboradyo.com/fung-wong-saro-nang-severe-tropical-storm-pag-uuran-sa-luzon-kawsa-kan-amihan/&media=https://img.bomboradyo.com/legazpi/2025/11/FUNG-WONG.webp&description=Typhoon "Fung-wong" intensified into a severe tropical storm while the Northeast Monsoon affected Extreme Northeastern Luzon.){kind=link}