LEGAZPI CITY – Naisalbar an buhay kan tulong indibidwal na nagkakarigus sa dagat makalihis na anudon kan makukusog na alon sa Barangay San Pablo, Virac, Catanduanes.
Segun ki Virac Municipal Disaster Risk Reduction and Management Office operation Chief Mark Matira sa intrevista kan Bombo Radyo Legazpi na bago sinda mag-abot sa lugar kan pinangyarihan kan insidente an naenot na an Philippine Coast Guard (PCG) na nagtaong asistensya nganing maidara an mga biktima sa baybayon.
Sa ibong suboot kan wara man nin tropical cyclone wind signal an provincia kan Catanduanes an nagin kabale man sinda sa nagkaigwa nin gale-warning mantang dae man sinda nagkulang sa pagtatao nin abiso sa mga nasasakupan nindang coastal barangays mapadapit digdi.
Base man sa saindang imbestigasyon an napag-aramang magbabarkada an mga biktima na residente kan nasambitang barangay asin dae ninda piglalaomang biglang nagkusog an mga ukol sa kadagatan
Pigtaram pa kan opisyal na enkaso may ipigpaluwas na sindang patanid asin abiso arug kan pagbabawal sa paglalangoy asin paglalawod, dae na dapat ini paggibuhon pa nganing dae man malaag sa alanganin an saindang mga buhay.
May mga nairehistro man sindang mga saradit na bangka an nagkaigwa nin danyos huli sa pagrapado kan mga makukusog na alon alagad sa kagayunan suboot an wara man ini na sakay asin nagkataon na nasa baybayon kan mangyari an insidente.
Sa presente an dae pa pigtutugutan kan mga otoridad an paglalawod huli sa nakabanderang mga ordinansa asin gale-warning.
Pagirumdom ni Matira sa publiko na magdangog permi sa mga abiso kan gobierno lokal asin magin rigmat sa gabos na oras urog na ngonian kun ano pa an mga raot nin panahon na makaka-apektar sa rehiyon Bicol.
