LEGAZPI CITY – Nakapwesto na sa manlain-laing kamposanto an mga personahes kan Bureau of Fire Protection Legazpi katakod kan pag-obserbar kan undas.
Segun ki Legazpi City Fire Substation 3 Shift B Commander Senior Fire Officer I Ann Jadie sa intrevista kan Bombo Radyo Legazpi maski diit pa sana ngonian an cemetery-goers an nakaantabay pa man sinda nganing magtao nin tabang asistensya.
Nagbarewas na man sinda nin leaflets nganing magkaigwa nin dugang na kaaraman an publiko manungod sa fire-safety tips.
Naka-standby na man an saindang ambulansya nganing tulos na maidara sa haraning hospital an siisay man na mangangaipuhan nin medikal na asistensya arug kan nangyari suboot kan undas kan nakaaging taon sa Forest Lake Memorial Park kun sain may nadismayo asin inatake nin highblood.
Pagirumdom man kan opisyal sa mga mabisita sa puntod kan saindang padangat sa buhay na mag-ingat para sa saindang kaligtasan urog na pagsapit kan Nobyembre 1 kun sain piglalaoman an pagruso kan publiko.
Pig-enganyar man ni Jadie na aprobitsaran kan mga may edad na asin may kamatean na magpasiring nin amay sa mga kamposanto nganing malikayan an labing init kan saldang mantang dae pagpabayaan na pagala-gala an kaiba nindang saradit na aki nganing malikayan an pagkawara kan mga ini.
Dae man suboot lingawan na magdara nin inumon na tubig nganing maibitaran an dehydration.
