LEGAZPI CITY- Tinuyaw kan grupo nin transportasyon an padagos na paglangkaw kan presyo kan produktong petrolyo.
Segun ki PISTON National President Mody Floranda sa intrevista kan Bombo Radyo Legazpi na dakula na naman an epekto kaini sa paghiro kan presyo nin mga babarakalon.
Dakulang pasakit na naman an panibagong oil price hike urog pang dae man naglalangaw an ganansya kan mga obrero.
Paliwanag pa ni Floranda na imbes na kuta magagamit sa pagmabakal nin krudo, magagamit na kan mga drivers asin operators an saindang ganansya para sa pamilya.
Basado sa kalkulasyon kan grupo, nasa P19 na an nagin paglangkaw kan presyo kan produktong petrolyo nunyan na taon.
Huli digdi, sinabi kan opisyal na magkakasa nin mga hiro protesta an grupo nin transportasyon bilang pagpapahiling nin pagkondenar sa padagos na oil price hike.
