LEGAZPI CITY – Nakahanda na an Bureau of Fire Protection Bacacay mapadapit sa nagdadangadang na pag-obserbar kan Undas ngonian na taon.
Segun ki Bacacay Municipal Fire Station Fire Safety Chief Senior Fire Officer II Roberto Barcoma sa intrevista kan Bombo Radyo Legazpi na nakapagsagibo na sinda nin inspection sa mga kamposanto, aeropuerto, asin terminals na komon na pigdadagsa kan publiko.
Sa presente suboot an maugma sinda huli ta wara man sindang nanotarang mga pwedesir magkawsa nin problema para sa mga mabisita sa saindang mga namaaram na mahal sa buhay.
Siring man kan nakaaging taon an mahigot pa man nindang ipigpapagirumdom na syertuhon an mga bagay na posibleng pagpunan nin kasulo urog na kun napabayaan arug kan mga electrical appliances, nakasinding kandila asin iba pa.
Pigtaram pa kan opisyal na kun dae talaga malilikayan na magsindi nin kandila an urog na ngonian na Todos los santos an irayo na sana ini sa nasusulo na bagay arug kan karton, papel, asin harani sa kurtina.
Nakahanda na man ngonian na aldaw an pagpopoon kan saindang “oplan kaluluwa” kun sain kabale digdi an deployment kan saindang mga personnel asin mga firetrucks sa manlain-laing kamposanto kan banwaan asin nakatalaang magtapos sa All souls day (Nov. 2).
Pagsyerto man ni Barcoma na sa implementasyon kan “oplan kaluluwa” an bako sana an saindang mga personahes na naka-toka sa pagtumpos nin kalayo an mahihiling sa mga sementeryo kundi pati na man sa pagtatao nin tabang asistensya sa mga nangangaipuhan.
