LEGAZPI CITY- Nairehistro an tulong volcanic earthquakes sa bulkang Bulusan sa nakalihis na magdamlag.
Segun sa Philippine Institute of Volcanology and Seismology na padagos man an paghuhubag o ground deformation sa nasabing bulkan.
Marurumduman na nagtetenir man liwat ini sa alert level 1 na ngangahulugan na nasa abnormal na lebel.
Sa nakalihis na mga aldaw, nakatutok man an mga otoridad sa monitoring sa iba pang aktibidad kan Bulusan volcano.
Mientrastanto, padagos man na ipinagbabawal an paglaog sa 4km radius permanent danger zone kan bulkan.
