Kinumpirmar ni Senate President Vicente Sotto III na 100% na mabalik si Senate President Pro Tempore Ping Lacson bilang chairman kan Blue Ribbon Committee na nag-iimbestigar kan mga maanomalyang flood control projects.
Segun ki Sotto, opisyal nang matukaw bilang chairman kan Blue Ribbon Committee si Lacson sa maabot na Nobyembre 10, sa pagpoon kan Second Regular Session kan 20th Congress.
Nagkaigwa na suboot sindang pag-oolay kan nakaagi ni Lacson mapadapit sa posibleng pagbabalik kaini sa komite.
Haloy na nindang pig-uulayan an posibilidad na ini huli ta namamatean man ninda na igwang “unfinished business” sa mga imbestigasyon na haloy nang pinunan.
Pagduon ni Sotto na nakukulangan suboot si Lacson sa progreso kan imbestigasyon kun kaya mabalik an senador bilang chairman kan komite.
Mientrastanto, pig-ofresir man an posisyon sa ibang miembros kan mayoriya, alagad gabos suboot nag-habo na mamayo sa Blue Ribbon Committee.
Alagad, pigsierto kan Senate President na preparado sindang hampangon an anuman na consequence kan pagbalik ni Lacson.
