LEGAZPI CITY—Nakauli na sa saindang mga harong an mga residentes na nag-ebakwar sa provincia kan Catanduanes makalihis an pangrarapado kan nakaaging bagyong Ramil.
Segun ki Provincial Disaster Risk Reduction and Management Office Catanduanes Emergency Operations Chief Roberto Monterola, sa intrevista kan Bombo Radyo Legazpi, kadalan na residentes an nag-ebakwar sa mga pribadong harong magin sa mga designated na mga eskwelahan sa lugar.
Wara man suboot sindang mga nairehistrong untoward incident durante kan kalamidad.
Nakabalik na man suboot an mga parasisira sa saindang hanapbuhay huli sa presente nagin kalmado na man an kadagatan sa saindang provincia.
Mientrastanto, nagpagiromdom man si Monterola sa namamanwaan na magtenir na alerto huli sa huma kan mga posible pang mabilog na raot nin panahon ngunyan na bulan nin Oktubre.
