Namaaram na an co-founder asin bassist kan rock-rap group na Limp Bizkit na si Sam Rivers sa edad na 48.
Kinumpirmar ini kan grupo alagad dae na nagtao pa nin ibang detalyes.
Kaiba niya an saindang drummer na si John Otto na nagkrear kan grupo asin kinalaunan an nakatrabaho an bokalistang si Fred Durst sa sarong fast food.
Taong 2015 kan paramientras na naghale si Rivers sa grupo makalihis magkahelang sa atay asin nagsairarom sa liver transplant bago liwat na nagbalik sa grupo kan 2018.
Puon 2006 sagkod 2009 nagpahingalo an grupo asin digdi nagtanghal sa manlaen-laeng stage sa kinaban.
Igwa sindang anom na studio album kabale an famuso na album na “Significant Other” kan 1999 asin “Chocolate Starfish and the Hot Dog Flavored Water” kan 2000.
Kabale sa mga pinasikat na kanta kan grupo an “Rollin’ (Air Raid Vehicle),” “Take A Look Around,” “My Way,” “Behind Blue Eyes,” “Nookie,” “Hot Dog” asin “Break Stuff”.
