LEGAZPI CITY-Nakuryente an sarong lalaki mantang nagtatrabaho sa Barangay Orosite Magallanes Street sa Legazpi City.
Segun kay Public Safety Office Head Octavio Rivero, sa intrevista kan Bombo Radyo Legazpi na nanotaran niya an pagputok sa nasabing area kun sain nakadapa na an biktima mantang nagkikisay-kisay huli sa mga nakasablay saiyang mga wire kan internet connection.
Igwa man suboot na tulo katawo na nagresponde asin tulos na natawanan an biktima nin makakanigong atensyong medikal.
Sinabi man ni Rivero na kaipuhan na an pigko-construct na mga building an dapat igwang mga net ngani dai makadisgrasya.
May liability man suboot an nagkontrata sa lalaking biktima asin sa nagpatrabaho kaini.
Pangapudan man kan opisyal sa mga nagpapa-renovate ki building na siertuhon na kompleto sinda nin ekipahe ngani dai madiskwido an mga nagtatrabahong indibidwal.
