Ibinuyagyag ni Department of Health (DOH) Secretary Ted Herbosa na nagsakat pa sa 300 ang Super Health centers an naaraman kan ahensya na nagtetenir na bako operational.
Kasunod kan paghampang kan kalihim sa inter-agency coordination meeting kaiba an Independent Commission for Infrastructure (ICI) kasoodma,Oktubre 17, sinabi ni Herbosa na huna niya an nagbaba na sa 297 an bako operational na super health centers huli sa nagkapira digdi an nagbukas na alagad naghalangkaw suboot ini sa 300.
Segun sa kalihim, mayorya sa nakatenggang super health center an sa Luzon huli sa ini an pinakadakulang landmass. Pigkarkulong nasa labi 170 hale sa 300 300 super health centers an nasa Luzon mantang an iba an nasa Visayas na asin Mindanao.
Katakod kaini, sinugo na kan kalihim an regional directors nganing inspeksyunon an 300 pang super health center na bako operational.
Basado sa iniluwas na datos kan DOH kan Oktubre 17, may kabilogang 878 super health centers an tinawan pondo sa irarom kan Health Facility Enhancement Program sa bilog na nacion.
Sa nasabing numero, 300 an bako operational, 198 an naggagana na, 17 an bahagyang operational asin 365 man an presenteng pigpapatindog.
Ipagpapadagos man kan DOH an pag-imbestigar pa sa mga super health center kaiba an suporta kan independent commission.
