Suportado ni Speaker Faustino “Bojie” Dy III an propwestong gibuhon sa publiko asin i-livestream an bicameral conference committee meetings mapadapit sa propwestong ₱6.793 trilyong national budget para sa 2026.
Kasimbagan ini ni Speaker Dy sa propwestong i-livestream an gabos na bicam deliberations nganing tanggalon an mga pagdududang may mga insertions na dae nababantayan kan publiko.
Segun kay Dy, naipa-otob na sa Kamara an kapareho na lakdang sa paagi kan pagkrear kan Budget Amendment and Revision Subcommittee (BARSc), na puminalit sa dating “small committee” na silensyong nag-aamyenda sa General Appropriations Bill makalihis an plenaryo.
Ipinaliwanag ni Dy na an Budget Amendment and Revision Subcommittee an sarong lakdang nganing gibuhong mas bukas asin mahigot na masuri kan publiko an proseso, sa paagi kan pagbale nin mas kadakol na miyembro kan Kamara, mga ahensya, asin representante kan civil society.
Dagdag pa ni Dy, bukas an Kamara sa pagsagibo nin bicam conference sa paaging dae na kaipuhang gibuhon ini sa mga saradong lugar.
