LEGAZPI CITY-Nakahanda na an pag-deploy nin mga personahes kan Bureau of Fire Protection Region 5 sa Davao City ngani magresponde sa lugar.
Segun kay BFP Region 5 Senior Fire Officer 1 Daryl Guianan, sa intrevista kan Bombo Radyo Legazpi na naka-standby na an saindang tanggapan para sa depployment nin mga personahes sa Davao City.
Nasa 17 man team asin 10 man team suboot an balak ipadara sa lugar kairiba na an 10 K-9 Dogs.
Mensahe man kan opisyal sa gabos na mag-ingat asin magin alerto siring man an pagrumdom na protehiran an sadiri sa paagi kan duck, cover, and hold asin an pagsierto na nasa irarom kan saindang mga lamesa.
Nagpagirumdom man an opisyal na dai maglakaw paluwas enkaso may linog huli sa posibilidad na matamaan nin mga debree asin mag-praktis suboot nin earthquake drills sa mga eskwelahan asin sa saindang mga opisina.
Mientrastanto, naoogma man suboot an BFP Region 5 asin an mga personahes kaini para sa saindang nakuwang honra sa Gawad Lingkod Bayani 2025 bilang inibasyon asin accomplishment kan bilog na ahensya.
