LEGAZPI CITY-Pasado na sa ikaduwang pagbasa kan House of Representatives an House Bill (HB) No. 4058 o propwestong P6.793 trillion national budget para sa taong 2026.
Isinagibo an pag-apruba kan propwestong ley sa paagi kan viva voce o voice voting sa plenaryo kan Biyernes, Oktubre 10.
Nagkapira sa mga pagbabago an propwestong pagbabawas kan budget kan Office of the Vice President sa 2026 nin nasa P902.8 Milyon.
Ipigbubusol ni Mamamayang Liberal Rep. Leila de Lima na gibuhong P733-M an budget kan OVP kaparehas ngonian na taon.
An lakbang na ini ni De Lima an kasunod kan dai pagatendir ni Vice President Sara Duterte sa deliberasyon kan saindang budget.
Nakatalaga man sa aldaw nin Lunes, Oktubre 13 an pagsasagibo kan House of Representatives kan ikatulo asin pagnhurinhg pagbasa kan 2026 national budget bago sa saindang sarong bulan na session break.
