LEGAZPI CITY-Popoonan na kan Commission on Elections (Comelec) an voters registration para sa Barangay asin Sangguniang Kabataan (SK) elections sa maabot na Oktubre 20.
An registration na gaganapon sa bilog na nacion maliban sa Bangsamoro Autonomous Region in Muslim Mindanao (BARMM), an matapos hasta Mayo 18.
Segun kay COMELEC chairman George Garcia, na an voter registration kan BARMM an mapoon man sa Mayo 1 hasta Mayo 18.
Gaganapon ini matapos na isagibo an BARMM parliamentary election sa bulan kan Marso.
Laoman man kan COMELEC na magkakaigwa nin 1.4 milyon na magpaparehistro sa itinalagang pitong bulan kan registration.
Gaganapon man an Barangay asin SK Elections sa masunod na taong 2026 sa bulan nin Disyembre.
