LEGAZPI CITY—Liwat na nagpatanid an Philippine Institute of Volcanology and Seismology na ibitaran an paglaog sa laog kan 6 kilometer radius Permanent Danger Zone kan Bulkang Mayon huli sa huma kan ano man na volcanic events.
Ini makalihis an mga nai-report na may mga aktibidades suboot siring kan pagkudal na ipiggibo sa pamitisan kan nasabing bulkan.
Segun ki Mayon Observatory Resident Volcanologist Deborah Fernandez, sa intrevista kan Bombo Radyo Legazpi, peligroso suboot an nasabing lugar huli sa posibleng huma kan phreatic eruption na kun saen pwedesir magluwas ini nin projectiles nin mga gapo o ashfall.
Siring man an huma kan rockfall kun saen an mga gapo na gikan sa lumang lava flows asin bunganga kan bulkan na pwedesir kasing-dakula kan sarong harong na delikado en kaso matamaan an sarong persona.
Mientrastanto, nagtetetenir na nasa Alert Level 1 (low-level unrest) an Bulkang Mayon, basado sa pinakahuring datos kan DOST-PHIVOLCS.
