LEGAZPI CITY-Pig-implementar kan Legazpi City Government an Modular Learning para sa mga estudyante katakod kan selebrasyon kan mga paratukdo kan Division Teachers’ Day.
Segun kay Schools Division Office Spokesperson Santi Araña, intrevista kan Bombo Radyo Legazpi, na huli ini sa pagselebrar kan mga paratukdo kan World asin National Teacher’s Day sa Ibalong Centrum for Recreation ngonian na aldaw.
Magkakaigwa suboot nin modular learning an mga estudyante huli sa gabos na mga paratukdo asin principal an imbitado sa nasabing selebrayson.
Pigtatawang honra man suboot kaini an mga paratukdo na nasa pampublikong eskwelahan magin an mga nasa pribadong eskwelahan kun sain magkakaigwa nin mga aktibidaes na aatendiran kan mga representantes sa kada distrito.
Dakula man suboot an suportang ipigtatao kan Legazpi City Government para sa nasabing selebrasyon.
Mientrastanto, pigiimbitaran man kan opisyal an gabos na magatendir sa nasabing selebrasyon bilang pagtaong honra sa mga paratukdo sa saindang komitidong trabaho ngani makaukod an saindang mga estudyante.
