Nakatalaang magsunad nin kasong perjury si Senador Jinggoy Estrada laban ki dating DPWH Bulacan Assistant District Engineer Brice Hernandez makalihis siyang idawit sa flood control projects anomaly.
Susog sa opisina ni Estrada, isusunad an kaso laban ki kay Hernandez sa Quezon City Prosecutor’s Office sa Oktubre 7, basado sa advisory na iniluwas kan Lunes, Oktubre 6.
Magigiromdoman kan nakaaging bulan, inakusaran ni Hernandez si Estrada na imbuelto sa kontrobersiyal na mga proyekto, bagay na pignigaran kan senador.
Sinabi ni Estrada na warang basehan an alegasyon na siya an nagtagama nin P355 milyon para sa mga infrastructure project sa Bulacan, huli ta segun saiya, ano man na line item sa General Appropriations Act an pwedesir na maitakod sa sisay man na senador.
