Ipigsuhestyon kan International Criminal Court (ICC) Registry na sarong independent expert asin bako an medical officer kan detention center an maghiling kun fit si dating Presidente Rodrigo Duterte na humampang sa paglilitis.
Sa sarong dokumento na pinaluwas kan Setyembre 30, an ICC Registry nagsimbag sa kahagadan kan depensa kan dating Presidente na mag-adjourn indefinitely o mag-postpone na warang kasegurohan kun nuarin mabalik an hearing huli sa suboot cognitive impairment na nagpupugol sa saiyang pag-atendir sa paglilitis.
Nilinaw kan ICC Registry na mandato sana kan medical officer an pag-ataman sa mga nakakulong, asin bako an paghiling kan saindang mental competence.
Kun kaya inirekomenda kaining sarong eksperto hale sa ICC roster an magsagibo nin mahigot na medical evaluation.
Dagdag pa digdi, pwedesir isumite sa korte an medical records ni Duterte alagad dapat may permiso ini nganing mamantenir an pagigin confidential kan impormasyon.
Sa presente, pighahalat pa kan ICC Pre-Trial Chamber kun ipagpapalihis an mga pagdangog mantang ipigsasagibo an kadugangang pagsusuri sa salud kan dating Presidente kan Pilipinas.
 Registry has suggested that an independent expert and not the medical officer of the detention center should determine whether former President Rodrigo Duterte is fit to stand trial.){kind=link}