LEGAZPI CITY-Pigenganyar ni PHIVOLCS Senior Science Research Specialist Johnlery Deximo an publiko na dai ipagsawarang bahala an mga aftershocks hale sa 6.9 magnitude na lindol sa Bogo, Cebu.
Posible kaya suboot na bumagsak an maluluyang imprastraktura na na dai natumba tulos kan tuminama an main quake.
Nagkapira man sa pighihiling na mga factors an mga pag-uran na nagpapaluya sa pundasyon kan daga asin an pirmihang pagyugo sa mga partikular na lugar.
Sa datos kan Phivolcs, nagabot na sa haros 4,000 an nairehistrong aftershocks.
Nasa 806 sa mga aftershocks an plotted o na-detect kan duwa o labi pang monitoring facility kan ahensya.
Mantang na 21 aftershocks na man an namatian kan mga residente.
An kusog kan aftershocks an hale sa magnitude 1.0 hasta magnitude 5.1.
Laoman man suboot na magpapadagos pa ini hasta sa mga maabot na semana.
