LEGAZPI CITY- Nagtutubod an sarong political analyst na maski pa wara na hurisdiksyon an Kamara de Representates sa nagdemitir na si dating Ako Bicol Party list Representative Zaldy Co, dapat man liwat na maggulong an imbestigasyon.
Ini an sa tahaw kan ipigsunad na ethics complaint kontra sa dating lehislador.
Marurumduman na sinabi kan Kamara na bak na ninda sakop si Co kaya posibleng mapawarang bisa an nasabing reklamo.
Alagad segun ki Atty. Michael Henry Yusingco sa intrevista kan Bombo Radyo Legazpi na incumbent pa o nagtetenir pa sa pwesto an mismong party list kaini kaya dae dapat na otomatikong ma-dismiss an ethics complaint.
Paliwanag kan opisyal na ini an magigin paagi ngani na madeterminar kun igwang kinaaraman an nasabing party list sa mga pig-aakusa ki Co na anomalya sa flood control projects.
