LEGAZPI CITY-Binisita ni Presidente Ferdinand “Bongbong” Marcos Jr. an mga naapektaran na lugar sa Masbate City kasunod kan panrarapado kan Bagyong Opong.
Segun kay Masbate Correspondent Jess Parion, sa intrevista kan Bombo Radyo Legazpi, na pigbisita kan Presidente an Masbate Social Center, Masbate Police Provincial Office, Masbate Provincial Hospital asin mga eskwelahan ngani mabusisi an mga sitwasyon kasunod kan nagin pinsala kan nakalihis na bagyo.
Pighiling suboot kan President an sitwasyon ngani makapagtao nin solusyon asin prayoridad kaiba an mga katakod na ahensya kan Department of Social Welfare and Development asin Department of Public Works and Highways, kaiba na an kalihim na sinda DSWD Sec. Rex Gatchalian asin DPWH Sec. Vince Dizon.
Nakipagolay man suboot an mga nasabing kalihim kay Governor Richard Kho asin kay City Mayor Ara Kho manungod sa pagpapabalik sa suplay nin tubig asin kuryente sa ciudad.
Presente man na nagtatabang an iba pang mga kooperatiba hale sa Albay, Catanduanes, Sorsogon, Catanduanes, asin iba pang provincia na sakop kan rehiyon Bicol.
