LEGAZPI CITY- Matindi an danyos na iwinalat kan pangrarapado kan bagyong Opong sa mga eskwelahan sa provincia kan Masbate.
Segun ki Department of Education Bicol Project Development Officer IV Maria Cristina Baroso sa intrevista kan Bombo Radyo Legazpi na pigkakarkulong nasa 467 na classrooms an nakapagrehistro nin major damages mantang nasa 449 man na classrooms an nakapagrehistro nin minor damages.
Basado sa inisyal na mga reports, pigkakarkulong nasa P350 million na an inisyal na danyos sa mga eskwelahan sa rehiyog Bicol kun sain kadaklan kaini an hali sa Masbate province.
Aminado man an opisyal na posible pang magbago an nasabing datos huli ta dakol na mga division offices pa an dae nakakapagsumiter nin report.
Napag-araman na nasa 43 na mga eskwelahan an nakapagrehistro in flooding incidents asin 11 an nakapagrehistro nin landslides.
Mientrastanto, ikinamundo man kan opisyal an mga nairehistrong learner casualty na suboot nalamos durante kan pangrarapado kan nasabing raot nin panahon.
