LEGAZPI CITY—Naarestar kan mga otoridad an pigkonsiderar na City Most Wanted Person kan Tabaco City sa Camella Homes Barangay Ampayon, Butuan City.
Binisto an suspek na si alyas “Bruce” na naarestar kan pinagsarong operatiba kan Regional Special Operations Unit 5 asin Regional Intelligence Division 13 asin subpoena/warrant personnel kan Tabaco City Police Station.
Nahahampang an suspek sa pagbalgar sa Section 28 kan Republic Act 10591 o Comprehensive Law on Firearms and Ammunition asin pagbalgar sa Section 11, Article II kan Republic Act 9165 o Comprehensive Dangerous Drugs Act of 2002.
Sa presente nasa kustodiya na kan Regional Intelligence Division 13 an akusado para sa magkakanigong disposisyon.
