Kinumpirmar kan Department of the Interior and Local Government (DILG) na bako lehitimo an nangyaring bayolenteng protesta sa Mendiola kan Setyembre 21 kundi bayad suboot asin organisadong pag-atake nganing raoton an gobyerno.
Segun ki DILG Secretary Jonvic Remulla, an mga menor de edad na 11 anyos pa sana an pigrecruit hale sa Quiapo asin pigbabayadan nin P3,000 kada saro nganing makapartisipar.
Igwa man nin evidencia na an iba soboot naghahambog sa social media manungod sa naresibe nindang kwarta.
Dagdag pa ni Remulla, ankasuguan sa grupo an umabot sa Malacañang asin kun pwedesir an suluon ini.
Katakod kaini, maabot sa 217 katawo an pig-iimbestigaran ngonian, kabale an 95 menor de edad, mantang pig-aaram pa kun sisay an nasa likod kan pagtao nin pondo ngani na magkrear nin kariribokan.
Segun sa DILG, an mga imbwelto posibleng mahampang sa kasong arson, destruction of property, inciting to sedition, asin sedition.
Mientrastanto, nagkakapirang mga pulis an irido makalihis na buhusan nin maating tubig asin atakehon nin paputok asin tear gas.
Nagpatanid man an DILG na posibleng otrohon kan grupo an taktikang ini sa mga maabot na hiro protesta nganing magkrear nin kariribokan.
Pigsierto man ni Remulla na magtetenir na committed an Marcos administration sa mga prinsipyo kan due process asin maintenance order.
 has confirmed that the violent protest in Mendiola on September 21 was not a legitimate protest but was allegedly a paid and organized attack to disrupt the government.){kind=link}