LEGAZPI CITY-Itinaas kan National Disaster Risk Reduction and Management Council (NDRRMC) an red alert sa tahaw kan posibleng peligro kan “Typhoon Nando”.
Segun sa ahensya na huli ini sa pag-antisipar sa mga kinakaipuhang emergeny situations.
Susog sa ahensya na epektibo an nasabing red alert status poon kasudma asin nagpopoon naman sindang magbantay asin makipag koordinar sa iba pang mga agency.
Basado man sa ipinaluwas na impormasyon kan state bureau na naka intensified na an “Typhoon Nando” alagad wara pang storm warnings na ipinapaluwas.
Padagos man suboot an epekto kan Southwest Monsoon sa nagkapirang lugar sa nacion.
Mientrastanto, huli sa nasabing bagyo, apektado man suboot kan gale-force gusts an nagkapirang mga rehiyon sa nacion.
