LEGAZPI CITY – Bako bastante para sa grupo nin mga paratukdo an ginibong lakdang kan gobierno na pagpapabakal sa mga paratukdo nin 20 pesos per kilo na bagas.
Segun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na nanahihiling ninda na wara ining pinagka-iba sa mga naenot na piggigibo tuyong selebrasyon kan teachers month afuera sa libreng manicure, pedicure, masahe asin iba pa.
An pangapodan ninda suboot iyo an paghalangkaw kan sahod asin darahon sa sektro kan edukasyon an dakulang pondo kan gobierno na nauuli man sana sa korapsyon.
Nagluluwas man para sainda na band-aid solution sana an piggigibo kan gobierno na dae man mamamatean kan mga paratukdo huli ta bako man sana bagas an saindang pigbabakal kundi may iba pa sindang pangangaipuhan.
Pig-agyat man kan opisyal sa gobierno na kun mawot nindang masulusyunan an problema kan sektor kan edukasyon asin sektor kan agrikultura an tabangan na mapahalangkaw an presyo kan bagas nganing dae man sinda malugi.
Pagdoon man ni Quetua na posible man na dae mabenipisyuhan an gabos na mga paratukdo sa nasabing programa huli ta base man sa saindang pakikipag-olay an dae pa ninda namamatean an 20 pesos per kilo kan bagas.
